PJD Justizia eta Garapena alderdi islamista moderatuak lortu ditu Marokoko Parlamentu berrian eserleku gehien. Batez beste botoen %28,5 lortu du. Ganberako 395 diputatuetatik 288 erabakita daude, eta PJDk 80 daramatza, Tayeb Cherkaui Barne ministroak jakinarazi duenez.
Gehien bozkatutako bigarren alderdia Istiqlal alderdi abertzalea da, 45 eskainurekin, eta haren jarraian Independenteen Batasun Nazionala, 38rekin.
Parlamentuan ez dago gehiengo argirik, beraz, PJDk lehen ministroarekin koalizioko gobernua eratu beharko du. Izan ere, konstituzio berriak alderdi bozkatuenak Gobernuaren buruzagitza eskuratzea aurreikusten du.
Udaberri arabiarra hasi zenetik aurreneko hauteskundeak egin dituzte Marokon. Parte-hartze txikiak eta abstentzio handiak markatu dituzte hauteskundeak. 13,6 milioi boto-emailek bozkatzeko eskubidea zuten, baina %45ek soilik eman dute botoa.
Ainhoa Goenaga
No hay comentarios:
Publicar un comentario